懇求聖神感動阮心

美國出名ê音樂教授、聖詩學者Dr. Carlton Young 2002年春學期tī台南神學院擔任客座教授期間，Ta̍k禮拜攏到東門教會聚會，聖歌隊翻譯了真chē首他所創作ê合唱曲tī禮拜中獻唱，得著伊boē少ê鼓勵。 他koh以查理‧衛斯理ê詩，為阮做了一首真特別「為聖歌隊、會眾、節奏樂器kap舞者」ê聖神降臨節曲，並協助排練事宜。 下面是作者本身對本曲ê解說：

作曲家Carlton Young以Charles Wesley ê詩作了這首聖神降臨節ê詩歌。 用che來做祈禱，求聖神tī咱讀聖經ê時親自臨在。 第一、二節歌詞祈求上帝ê神來鼓舞我們，親像早前祂激勵以色列ê先知，去宣揚公義kap平等生命e國度。 第三、四節是懇求上帝，為咱混亂ê生命帶來光、愛kap意義。

本曲是根據希伯來人所守ê五旬節期ê精神所寫ê，就是逾越節過後50日，以色列人紀念上帝借著摩西所賜落律法ê節期。 照使徒行傳ê記載，希伯來人tuì此ê節期起開始建立了上帝聖神ê基督教會，基督復活ê福音tuì此開始傳到世界ta̍k角落。